Tuesday, 17 September 2019

പ്രെഗ്നൻസി ടെസ്റ്റ്; അറിയേണ്ടതെല്ലാം....

മാതൃത്വം ഒരു സ്ത്രീയെ സംബന്ധിച്ചിടത്തോളം അനുഗ്രഹവും ജീവിതത്തിലെ സുപ്രധാന വഴിത്തിരിവുമാണ്. തന്റെയുള്ളിൽ മറ്റൊരു ജീവൻ വളരുന്നുണ്ട് എന്ന തിരിച്ചറിവ് സ്ത്രീകളിൽ ആനന്ദവും ഒപ്പം ആശങ്കയും വളർത്തുന്നു. ഗർഭിണിയാണെന്ന് തീർച്ചപ്പെടുത്താൻ നിരവധി ഉപായങ്ങൾ ഇന്ന് ലഭ്യമാണ്. എന്നാൽ ഇതിനു ശേഷം ഏതൊക്കെ ടെസ്റ്റുകളാണ് നടത്തേണ്ടതെന്ന് പലർക്കും അറിയില്ല. അമ്മയാകാൻ തയ്യാറെടുക്കുന്നവർ, ഒരു ഡോക്ടറുടെ സഹായത്തോടെ, കൃത്യമായ ഇടവേളകളിൽ ആവശ്യമായ ടെസ്റ്റുകൾ നടത്തേണ്ടത്, അമ്മയുടെയും കുഞ്ഞിന്റെയും ആരോഗ്യം സംരക്ഷിക്കുന്നതിന് വളരെയധികം സഹായിക്കും. 


എപ്പോഴാണ് പ്രഗ്നൻസി ടെസ്റ്റ് നടത്തേണ്ടത്?


ക്രമമായി ആർത്തവം ഉണ്ടാകുന്ന ഒരാൾക്കു മാസമുറ തെറ്റി ഒരാഴ്ചയ്ക്കുള്ളിൽ തന്നെ താൻ ഗർഭിണി ആണോ എന്ന് പ്രഗ്നൻസി ടെസ്റ്റ് കാർഡ് ഉപയോഗിച്ച് പരിശോധിച്ചു അറിയാൻ സാധിക്കും. പ്രഗ്നൻസി കിറ്റുകൾ വാങ്ങാൻ ലഭിയ്ക്കുന്നതു വഴി ഗർഭനിർണയം ഇപ്പോൾ കൂടുതൽ എളുപ്പമായിക്കഴിഞ്ഞു. പ്രഗ്നൻസി ടെസ്റ്റ് കാർഡിൽ രണ്ടു വരകളാണ് കാണിക്കുന്നതെങ്കിൽ ഫലം പോസിറ്റീവ് ആണ്. മൂത്രത്തിലെ എച്സിജി ഹോർമോണിന്റെ സാന്നിധ്യം അനുസരിച്ചാണ് ഫലം നിശ്ചയിക്കുന്നത്. എച്സിജി ഹോർമോണിന്റെ സാന്നിധ്യമാണ് ഫലം പോസിറ്റീവ് ആകുന്നത്. ചെറിയ അളവിലെങ്കിലും എച്ച്‌സിജി ഹോർമോണുണ്ടെങ്കിൽ ഈ ടെസ്റ്റിലൂടെ കണ്ടെത്തുവാൻ സാധിയ്ക്കും.

97 ശതമാനവും ഇത്തരം പരിശോധനാഫലങ്ങൾ കൃത്യമായിരിക്കും. എന്നാൽ മാസമുറ തെറ്റിയ ഉടനെ ചിലപ്പോൾ പരിശോധന നടത്തിയാൽ കൃത്യഫലം കണ്ടെത്താൻ സാധിച്ചെന്നു വരില്ല. ചിലരിൽ ഭ്രൂണം രൂപപ്പെട്ടിട്ടുണ്ടെങ്കിലും എച്ച്‌സിജി അളവ് പരിശോധനയിലൂടെ കണ്ടെത്താൻ പാകത്തിനുണ്ടാകില്ല. ഇത്തരം ഘട്ടങ്ങളിൽ ഒരാഴ്ച കൂടി കഴിഞ്ഞ് വീണ്ടും പരിശോധന നടത്തിയാലോ സ്കാനിങ്ങിലൂടെയോ ഫലം ഉറപ്പാക്കാൻ സാധിക്കും.

മറ്റു ടെസ്റ്റുകൾ ഏതൊക്കെ? 


രക്ത-മൂത്ര പരിശോധനയിലൂടെയും മറ്റു വൈദ്യ പരിശോധനകളും പ്രഗ്‌നൻസി ഉറപ്പാക്കിയതിനു ശേഷം ഡോക്ടർ ആദ്യ മൂന്ന് മാസക്കാലത്തേക്കുള്ള കുറച്ചു ടെസ്റ്റുകൾ കൂടെ നിർദ്ദേശിക്കാറുണ്ട്. കുഞ്ഞിന്റെ ആരോഗ്യം ഉറപ്പു  വരുത്താനും അസ്വാഭാവികതകളോ സംഘീര്ണതകളോ ഉണ്ടെങ്കിൽ കണ്ടു പിടിക്കാനും പരിഹരിക്കാനും ഇത്തരം ടെസ്റ്റുകൾ സഹായിക്കും.

ബ്ലഡ് ഗ്രൂപ്പ് ടെസ്റ്റ് 

ഗർഭിണിയുടെ ബ്ലഡ് ഗ്രൂപ്പ് നിശ്ചയിക്കുന്നതാണ് ആദ്യത്തെ നടപടി. ഗര്ഭകാലത്തോ പ്രസവ സമയത്തോ രക്തം ആവശ്യം വരികയാണെങ്കിൽ കൃത്യമായി ലഭ്യമാകാൻ ഇത് സഹായിക്കുന്നു.

റീസസ് ഫാക്ടർ / ആർഎച്ഡി ഫാക്ടർ  

നിങ്ങളുടെ ബ്ലഡ് ഗ്രൂപ്പ് നിശ്ചയിച്ചു കഴിഞ്ഞതിനു ശേഷം നടത്തുന്ന ടെസ്റ്റ് ആണ് ആർഎച്ഡി ഫാക്ടർ. നിങ്ങളുടെ ചുവന്ന രക്താണുക്കളിൽ ഡി ആന്റിജൻ(D  Antigen) എന്ന ഘടകം ഉണ്ടോ എന്ന് ഉറപ്പു വരുത്താനാണ് ഇത്. രക്തത്തിൽ ഡി ആന്റിജൻ ഉണ്ടെങ്കിൽ ആർഎച്ഡി പോസിറ്റീവ് എന്നും ഇല്ലെങ്കിൽ നെഗറ്റിവ് എന്നുമാണ് വിലയിരുത്തുന്നത്. ആർഎച് നെഗറ്റിവ് ആകുന്നത് അപകടകരമാണ്. എന്നാൽ കുഞ്ഞിന്റെ ശരീരത്തിൽ ആർഎച് പോസിറ്റീവ് ആണെങ്കിൽ അത് സങ്കീര്ണതകൾക്കു വഴിയൊരുക്കും. അമ്മയുടെയും കുഞ്ഞിന്റെയും രക്തം കൂടി കലരുമ്പോൾ അമ്മയുടെ ശരീരത്തിൽ രൂപപ്പെടുന്ന ആന്റിജനുകൾ കുഞ്ഞിന്റെ ശരീരത്തിലെ ചുവന്ന രക്താണുക്കളെ നശിപ്പിക്കാൻ ഇടയുണ്ട്. 

ഹീമോഗ്ലോബിൻ ടെസ്റ്റ്

ഗർഭകാലത്തു വിളർച്ച അല്ലെങ്കിൽ രക്തമില്ലായ്മ ഗർഭിണികൾ നേരിടുന്ന ഒരു പ്രധാന പ്രശ്നമാണ്. ചുവന്ന രക്താണുക്കളുടെ കുറവാണ് ഇതിനു പ്രധാന കാരണം. ഇത് കണ്ടെത്താനും കൃത്യമായ ചികിത്സ ലഭ്യമാക്കാനും ഹീമോഗ്ലോബിൻ ടെസ്റ്റ് സഹായിക്കുന്നു.

സീറോളജി സ്ക്രീനിംഗ്

എച്ഐവി, സിഫിലിസ്, ഹെപ്പറ്റൈറ്റിസ് ബി, ഹെപ്പറ്റൈറ്റിസ് സി തുടങ്ങിയ അണുബാധകളും മറ്റു പകർച്ചാ വ്യാധികളുടെയും നിർണയം വളരെ പ്രധാനപെട്ടതാണ്. ഇത്തരം രോഗങ്ങൾ ഗർഭിണികളിൽ നിന്ന് കുഞ്ഞിലേക്ക് പകരാൻ സാധ്യതയുള്ളത് കൊണ്ട് കൃത്യമായ പ്രതിവിധികൾ സ്വീകരിക്കാൻ ഈ ടെസ്റ്റുകൾ സഹായിക്കുന്നു. എച്ഐവി ടെസ്റ്റ്, വിഡിആർഎൽ, എച്ബിഎസ്എജി തുടങ്ങിയ റെസ്റ്റുകളാണ് ഇതിനായി നിർദ്ദേശിക്കുന്നത്. 

തൈറോയ്ഡ് ടെസ്റ്റ് / ബ്ലഡ് ഷുഗർ ടെസ്റ്റിംഗ് 

ടിഎസ്എച്ച (TSH) ലെവലും ഗ്ളൂക്കോസ് ലെവലും പരിശോധിക്കുന്നതിനായാണ് സാധാരണ ഈ ടെസ്റ്റ് നിർദ്ദേശിക്കുന്നത്.                      

യൂറിൻ റുട്ടീൻ ടെസ്റ്റ്

കിഡ്നി, ബ്ളാഡർ  അണുബാധകൾ, ടയബെറ്റീസ് തുടങ്ങിയവയെ തിരിച്ചറിഞ്ഞു കൃത്യമായ പ്രധിരോധ നടപടികൾ സ്വീകരിക്കാൻ സഹായിക്കുന്ന റെസ്റ്റാണ് യൂറിൻ റുട്ടീൻ ടെസ്റ്റ്.

കൃത്യമായ ടെസ്റ്റുകൾ വിദഗ്ധരായ ഡോക്ടർമാരുടെ സഹായത്തോടെ നടത്തുന്നത് ഗർഭകാലത്തെ സംഗീർണതകളെ തക്കസമയത്ത് നേരിടാനും അമ്മയുടെയും കുഞ്ഞിന്റെയും പൂർണ ആരോഗ്യ സംരക്ഷണത്തിനും സഹായിക്കുന്നു.  

Visit Us: arcivf.com
Mail Us: arc.flagship1@gmail.com
Book an appointment: arcivf.com/make-an-appointment

Monday, 9 September 2019

വന്ധ്യത: മിഥ്യകളും യാഥാർഥ്യങ്ങളും

ഏറെക്കാത്തിരുന്നിട്ടും ഒരു കുഞ്ഞിക്കാലിന് ഭാഗ്യം ലഭിക്കാത്ത മാതാപിതാക്കളോട്, പ്രതീക്ഷ കൈ വിടാറായിട്ടില്ല. വന്ധ്യത എന്നതിന് കുട്ടികളുണ്ടാവില്ല എന്നർത്ഥം. മിഥ്യകളുടെ ചരട് പൊട്ടിച്ചു യാഥാർഥ്യം തിരിച്ചറിയേണ്ട കാലമാണിത്. 

താലോലിക്കാനും ഓമനിക്കാനും സ്വന്തമായി ഒരു കുഞ്ഞിനായി ഓരോ മാതാപിതാക്കളും കാത്തിരിക്കാറുണ്ട്. ആദ്യമായി അച്ഛാ എന്നും അമ്മെ എന്നുമുള്ള വിളി കേൾക്കാനും കൊതിക്കുന്നവർ ഏറെയാണ്. എല്ലാ മാതാപിതാക്കളും ഈ സൗഭാഗ്യം അനുഭവിക്കുമ്പോൾ ഏറെ ആശയോടെ പ്രതീക്ഷ കൈവിടാതെ ഒരു കുഞ്ഞിക്കാലിനായി ഏറെ നാൾ കാത്തിരിക്കുന്നവർ ഏറെയാണ്. നിർഭാഗ്യം തലയ്ക്കു മുകളിൽ നിൽകുമ്പോൾ അറിയാതെയെങ്കിലും സ്വയം പഴിച്ചും പങ്കാളിയെ പഴിച്ചും വിധിയാണ് എന്ന് വിശ്വസിച്ചും ജീവിക്കുന്നവരും നമുക്കിടയിലുണ്ട്. 

വന്ധ്യത എന്ന അവസ്ഥയെക്കുറിച്ചു നിരവധി തെറ്റിദ്ധാരണകൾ സമൂഹത്തിലുണ്ട്. കുഞ്ഞുണ്ടാകാത്തത് ഭാര്യയുടെയോ മരുമകളുടെയോ മാത്രം കുറവായി കരുതുന്നവർ നിരവധിയാണ്.  യാഥാർഥ്യങ്ങളെ തിരിച്ചറിഞ്ഞു തെറ്റിദ്ധാരണകൾ ഒഴിവാക്കുകയാണ് ഏക പരിഹാരം. 



ചില മിഥ്യകളും അതിന്റെ യാഥാർഥ്യങ്ങളും:   

1. വന്ധ്യത എന്നാൽ കുട്ടികളുണ്ടാവില്ല

സന്താനോത്പാദന ക്ഷമതയില്ല എന്നതിന് കുട്ടികൾ ഉണ്ടാകില്ല എന്നുള്ള ധാരണ തീർത്തും തെറ്റാണ്. സാധാരണ രീതിയിലുള്ള ഗർഭധാരണത്തിനു തടസം നേരിടും എന്നത് സത്യം തന്നെ. എന്നാൽ ഇതിനു നിരവധി പരിഹാരങ്ങൾ നിലവിലുണ്ട്. വിദഗ്ധാഭിപ്രായം തേടി കൃത്യമായ ചികിത്സ തേടിയാൽ ഗർഭധാരണം സാധ്യമാണ്. 

2. വന്ധ്യത സ്ത്രീയുടെ മാത്രം പ്രശ്നമാണ്. 

കുട്ടികൾ ഉണ്ടാകാത്തതിന് സ്ത്രീകളെ മാത്രം പഴിക്കുന്ന രീതി നിലവിൽ ഉണ്ട്. സ്ത്രീകൾക്ക് മാത്രം അല്ല, പുരുഷന്മാർക്കും നിരവധി കുറവുകൾ ഉണ്ട്. മറ്റൊരു തരത്തിൽ പറഞ്ഞാൽ കുറവുകൾ രണ്ടു പേർക്കും തുല്യമാണ്. നിലവിലുള്ള വന്ധ്യത ചികിത്സകൾ ദമ്പതികൾക്കു തുല്യമായാണ് നൽകുന്നത്. എന്തെന്നാൽ ഒരുമിച്ചുള്ള പരിശ്രമം വന്ധ്യത പരിഹരിക്കാൻ ആവശ്യമാണ്. 

3. വൈകിയുള്ള ഗർഭധാരണം പ്രശ്നമല്ല 

ഏതു പ്രായത്തിലും ഗർഭം ധരിക്കാം എന്നൊരു തെറ്റിദ്ധാരണ സമൂഹത്തിൽ പരക്കെയുണ്ട്. നാല്പതു വയസിനു ശേഷം ഗർഭം ധരിച്ച സ്ത്രീകളെയാണ് ഇതിനു ഉദാഹരണമായി കാണിക്കുന്നത്. എന്നാൽ ചുരുക്കം ചിലരല്ലാതെ, മറ്റു സ്ത്രീകളുടെ അണ്ഡമോ അല്ലെങ്കിൽ ഭ്രൂണമോ ഉപയോഗിച്ച് ഗർഭം ധരിച്ചവരാണ് ഭൂരിഭാഗവും. 27 വയസിനു ശേഷം ഗർഭ ധാരണ ശേഷി പതിയേ കുറയാൻ തുടങ്ങും. മുപ്പത്തിയാറിനു ശേഷം ഈ അവസ്ഥ കൂടുതൽ സങ്കീർണമാവും. 40 വയസിനു ശേഷം സ്വാഭാവിക ഗർഭധാരണ ശേഷി ക്രമാതീതമായി കുറയുന്നു.

4. വന്ധ്യത ഒരു മാനസീക പ്രശ്നമാണ്

മാനസീക സമ്മർദ്ദം ഗർഭധാരണം തടസ്സപ്പെടുത്തും എന്നുള്ളത് ഒരു തെറ്റായ ചിന്തയാണ്. കുടുംബത്തിൽ നിന്നും സമൂഹത്തിൽ നിന്നും കേൾക്കുന്ന ഒരു സ്ഥിരം പല്ലവിയാണ് " ടെൻഷൻ ഒഴിവാക്കു" എന്നുള്ളത്. എന്നാൽ മാനസിക സംഘർഷങ്ങൾ ഗർഭധാരണത്തിനു തടസമല്ല എന്നാണു പഠനങ്ങൾ കണ്ടെത്തുന്നത്. എന്നാൽ അണ്ഡോത്പാദനം മന്ദഗതിയിലെത്താൻ ഇത് കാരണമാകുന്നുണ്ട്.

5. മറ്റൊരു കുഞ്ഞിനെ ദത്തെടുത്താൽ എല്ലാം ശരിയാകും

ദത്തെടുക്കുക എന്നുള്ളത് പുണ്യപ്രവൃത്തി എന്നതിലപ്പുറം നല്ലൊരു കുടുംബം കെട്ടി പാടുകയാണ് ഉള്ള നല്ലൊരു മാർഗമാണ്. ഒരു കുഞ്ഞില്ലാത്തതിന്റെ മാനസിക വിഷമങ്ങൾ കുറയ്ക്കാനും ഇത് സഹായിക്കും. എന്നാൽ ഇതിനപ്പുറം ഗർഭം ധരിക്കാൻ സഹായിക്കും എന്നുള്ള മിഥ്യകൾ മനസ്സിൽ വച്ച് ദത്തെടുക്കാൻ മുതിരരുത്. ഗർഭധാരണവും ദത്തെടുക്കലും തമ്മിൽ യാതൊരു ബന്ധവും ഇല്ല എന്നുള്ളതാണ് സത്യം.

6. വന്ധ്യതാ ചികിത്സകളോടുള്ള ഭയം

ഐവിഎഫ്ഐയുഐ തുടങ്ങിയ വന്ധ്യതാ നിവാരണ ചികിത്സകളുടെ സാങ്കേതികത്വവും ചിലവും സമൂഹത്തിന്റെ കാഴ്ചപ്പാടുകളും ദമ്പതികളിൽ അറിയാതെ ഒരു ഭയം സൃഷ്ടിക്കുന്നുണ്ട്. എല്ലാവർക്കും ഇത്തരം ചികിത്സകൾ ആവശ്യമായി വരാറില്ല. മറ്റു ലളിതമായ ചികിത്സകൾ കൊണ്ട് തന്നെ ഫലപ്രദമായ മാറ്റങ്ങൾ കാണാറുണ്ട്. അഥവാ ഐവിഎഫ് ആവശ്യമായ സാഹചര്യങ്ങളിൽ ചെലവ് കുറച്ചു ചികിത്സ ചെയ്യാനുള്ള അവസരവും സൗകര്യങ്ങളും നിലവിലുണ്ട്. 



   


Visit Us: arcivf.com
Mail Us: arc.flagship1@gmail.com
Book an appointment: arcivf.com/make-an-appointment

Saturday, 7 September 2019

ഇനി ഭക്ഷണരീതി മാറ്റി വന്ധ്യതയെ നേരിടാം...

വിവാഹം കഴിഞ്ഞു ഒരു മാസത്തിനു ശേഷം നവദമ്പതികള്‍ സ്ഥിരമായി നേരിടുന്ന ഒരു ചോദ്യമുണ്ട്,

'വിശേഷം വല്ലതും???' എന്ന്. തെല്ലു നാണത്തോടെ ഒന്നും ആയില്ല എന്നോ, വിശേഷം ഉണ്ട് എന്നോ ആണ് സാധാരണ മറുപടി. 'വിശേഷം' ആയില്ലെങ്കില്‍ ഈ നാണം പതിയെ പതിയെ നാണക്കേടും കാലം ചെല്ലുന്തോറും നൊമ്പരമായി മാറുന്നതും ഇരുപത്തിയൊന്നാം നൂറ്റാണ്ടിന്റെ ഒരു സാധാരണ കാഴ്ചയാണ്.

പ്രകൃത്യാ ഗര്‍ഭധാരണം സാധ്യമല്ലെങ്കില്‍ അതു പരിഹരിക്കാനായി നിരവധി ഉപാധികള്‍ ഇന്നു നിലവിലുണ്ട്. ഇതിലേക്കു തിരിയുന്നതിനു മുമ്പ് എന്തുകൊണ്ടാണ് വന്ധ്യത അല്ലെങ്കില്‍ സന്താനപുഷ്ഠിയില്ലായ്മ ഇന്നു സാധാരണമാകുന്നത് എന്നു ഗൗരവകരമായി ചിന്തിക്കേണ്ട കാര്യമാണ്.


ഒളിഞ്ഞിരിക്കുന്ന വില്ലന്‍

ഒരു കുഞ്ഞിനെ ഗര്ഭം ധരിക്കുന്നതിനു സ്ത്രീയ്ക്കും പുരുഷനും സന്താനക്ഷമത ഒരുപോലെ അത്യാവശ്യമാണ്. ചിലപ്പോള്‍ ജനിതകമായ കാരണങ്ങളും ജീവിതസാഹചര്യങ്ങളും ഗര്‍ഭധാരണം തടസപ്പെടുത്താനിടയുണ്ട്. ഇത് ആണ്‍-പെണ്‍ ഭേധമന്യേ നേരിടുന്ന ഒരു വെല്ലുവിളിയാണു താനും. ഇവയില്‍ ജനിതക തടസങ്ങള്‍ക്കു ചികിത്സയല്ലാതെ പരിഹാരമില്ല. എന്നാല്‍ ജീവിതശൈലികള്‍ മൂലമുള്ള തടസങ്ങള്‍ക്കു ചികിത്സയേക്കാള്‍ ശ്രദ്ധയാണ് ആവശ്യം.

വന്ധ്യതയും ഇന്നു ജീവിതശൈലീ രോഗങ്ങളില്‍പ്പെടുത്താവുന്ന ഒന്നാണ്. ഫാസ്റ്റ് ഫുഡ്, പോഷകാംശമില്ലാത്തതും എണ്ണമയമുള്ളതും വറവു ഭക്ഷണങ്ങളോടുള്ള അമിതമായ പ്രിയവും ആണ്‍ പെണ്‍ വ്യത്യാസമില്ലാതെ വന്ധ്യതയ്ക്കു കാരണമാകുന്നുണ്ട്. അമിതമായ കൊഴുപ്പ്, മധുരപലഹാരങ്ങള്‍, 'റെഡി ടു ഈറ്റ്' ഭക്ഷണങ്ങള്‍ എന്നിവ സാധാരണ ശരീരപോഷണ പ്രക്രിയകളില്‍ മാറ്റം (മെറ്റാബോളിക് സിന്‍ഡ്രോം) വരുത്താനിടയാക്കുന്നു. ഹോര്‍മോണുകളില്‍ ഇത്തരത്തിലുള്ള വ്യതിയാങ്ങള്‍ ഉത്പാദനക്ഷമത (ഫെര്‍ട്ടിലിറ്റി) കുറയാന്‍ കാരണമാണ്. പലപ്പോഴും സത്രീകളില്‍ ആര്‍ത്തവസമയം നീണ്ടുപോകാനും (പിസിഒഎസ്) പിന്നീടു വന്ധ്യതയിലേക്കും ഈ രീതികള്‍ വഴിവയ്ക്കുന്നുണ്ട്.

പ്രതിരോധം എങ്ങനെ?


ജീവിതശൈലിയില്‍ മാറ്റം വരുത്തുക എന്നതാണ് ഏക പ്രതിരോധമാര്‍ഗം. ജോലി ഭാരം, മാറുന്ന കാലത്തിനനുസരിച്ചുള്ള ജീവിത ശൈലികള്‍, ഭക്ഷണരീതികള്‍, മാനസിക പിരിമുറുക്കം എന്നിവ വന്ധ്യതയ്ക്കു ഹേതുവാകുന്നുവെന്നാണ്. ഈ രീതികളില്‍ മാറ്റം വരുത്തുകയാണ് ആദ്യമായി ചെയ്യേണ്ടത് എന്ന് എആര്‍സി(ARC) റീപ്രൊഡക്ടീവ് കണ്‍സള്‍ട്ടന്റ് ഡോ. ആരതി കുമാര്‍ പറയുന്നു. മാതാപിതാക്കള്‍ പ്രത്യേകിച്ച് അമ്മയാകാന്‍ പോകുന്ന വ്യക്തി തന്റെ ജീവിതശൈലികളില്‍ മാറ്റം വരുത്തേണ്ടത് വളരെ അത്യാവശ്യമാണ്. ഗര്‍ഭധാരണത്തിനു തയ്യാറെടുക്കുന്നതിനു മൂന്നുമാസം മുമ്പെങ്കിലും ആരോഗ്യകരമല്ലാത്ത ഭക്ഷണക്രമങ്ങള്‍ നിര്‍ബന്ധമായും ഒഴിവാക്കണം.

പോഷക സമൃദമായ ആഹാരങ്ങള്‍ കഴിക്കുക എന്നതാണ് ഫെര്‍ട്ടിലിറ്റി വര്‍ധിപ്പിക്കാനുള്ള ഉത്തമ മാര്‍ഗം. ഇതിനൊപ്പം കഫൈന്‍, ഷുഗര്‍, ഫാറ്റ് എന്നിവയടങ്ങിയ ഭക്ഷണ പദാര്‍ഥങ്ങള്‍ ഒഴിവാക്കുകയും വേണം. ശരീരം ഓജസ്സോടെ നിലനിര്‍ത്താന്‍ കൂടുതലും പച്ചക്കറികളും പഴങ്ങളും ഭക്ഷണമാക്കണം. ദിവസവും ഒരു ഗ്ലാസ് പാല് കുടിക്കുന്നതും ഗുണം ചെയ്യും.

കായികാധ്വാനം കുറവുള്ള ജീവിതരീതിയാണ് ഇന്ന് പല ആരോഗ്യ പ്രശ്‌നങ്ങളുടേയും ഉറവിടം. ശരീരം അനങ്ങാതിരുന്നു കൊഴുപ്പ് അടിഞ്ഞുകൂടുകയും സാവധാനം ഹോര്‍മോണ്‍ വ്യതിയാനത്തിനു കാരണമാവുകയും ചെയ്യുന്നു. മാനസിക സമ്മര്‍ദങ്ങള്‍ ഒഴിവാക്കുകയോ ലഘൂകരിക്കാന്‍ ശ്രമിക്കുകയോ അത്യാവശ്യമാണ്.

ശരീരഭാരം, ഹോര്‍മോണ്‍ വ്യതിയാനങ്ങള്‍, ജീവിത ശൈലി, വന്ധ്യത ഇവയെല്ലാം പരസ്പരം ബന്ധപ്പെട്ടിരിക്കുന്നതുകൊണ്ട് ആരോഗ്യകരമായ ജീവിതക്രമവും ഭക്ഷണരീതിയും ശീലമാക്കുന്നതാണ് ഇന്ന് സ്ത്രീകളും പുരുഷന്‍മാരും സ്വീകരിക്കേണ്ട ഉത്തമ മാര്‍ഗം.

ദൈന്യന്ദിന ജീവിതത്തില്‍ ഉള്‍പ്പെടുത്താവുന്ന ചില ഭക്ഷണങ്ങള്‍ ഏതൊക്കെയെന്നു നോക്കാം:

ഏത്തപ്പഴം/നേന്ത്രപ്പഴം:
  • വൈറ്റമിന്‍ ബി6 സമൃദമായി ഉള്‍പ്പെട്ടിരിക്കുന്നു.
  • കൊഴുപ്പില്ലാത്ത പോഷകസമൃദ്ധമായ ആഹാരം.
  • അണ്ഡ-ബീജ നിലവാരമുയര്‍ത്തുന്നു.
  • പ്രാതലിനൊപ്പം ഉത്തമം.

ഗോതമ്പ്/ മറ്റു ധാന്യങ്ങള്‍:
  • ആന്റിഓക്‌സിഡന്റിനാല്‍ സമൃദം.
  • അണ്ഡ-ബീജ നിലവാരം അളവ് എന്നിവ വര്‍ധിപ്പിക്കുന്നു.
  • പ്രോട്ടീന്‍ സമൃദം. ആരോഗ്യവും ഉന്മേഷവും വര്‍ദ്ധിപ്പിക്കു്ന്നു.
പച്ചക്കറികള്‍:
  • ദിവസേന ഉള്‍പ്പെടുത്തി ഭക്ഷണ രീതി മെച്ചപ്പെടുത്താം..
  • അയേണ്‍(ഇരുമ്പ്) ഫോലേറ്റ് എന്നിവയടങ്ങിയ ചീര, ലെറ്റിയൂസ് പോലുള്ള 
  • ഇലക്കറികളും ആഹാരങ്ങളും ഫെര്‍ട്ടിലിറ്റി ഭേദപ്പെടുത്തുന്നു.

മത്സ്യം:
ശരീരപുഷ്ഠിക്കാവശ്യമായ ഒമേഗ 3 ഫാറ്റി ആസിഡ്, വൈറ്റമിന്‍ ഡി എന്നിവ ധാരാളം അടങ്ങിയിരിക്കുന്നതിനാല്‍ ഇവ ആഹാരക്രമത്തില്‍ ഉള്‍പ്പെടുത്താവുന്നതാണ്.

മുട്ട:
  • പോഷകസമൃദ്ധം.
  • അണ്ഡ-ബീജ നിലവാരം അളവ് എന്നിവ വര്‍ധിപ്പിക്കുന്നു.
  • പ്രാതലിനൊപ്പം ഉത്തമം.

സിട്രസ് ഫലങ്ങള്‍ ഭക്ഷണക്രമത്തില്‍ ഉള്‍പ്പെടുത്തുന്നതും വളരെ നല്ലതാണ്. ഔഷധങ്ങളുടെ കലവറ തന്നെയാണ് ഇവ. വൈറ്റമിന്‍ എ, ബി, സി, പല തരത്തിലുള്ള ഡയറ്ററി നാരുകള്‍, ഫൈലോകെമിക്കലുകളായ ബീറ്റ കരോട്ടിന്‍, ല്യൂട്ടിന്‍ തുടങ്ങിയവയും ഇവയില്‍ ഉള്‍പ്പെടുന്നു.

വൈറ്റമിന്‍ സി രോഗപ്രതിരോധ ശേഷിക്കും ഹൃദയാരോഗ്യത്തിനും വൈറ്റമിന്‍ എ, പൊട്ടാസ്യം എന്നിവ കാഴ്ച്ച ശക്തിക്കായും തിമിരം തടയാനും, കൊളൊസ്‌ട്രോളിനെ പ്രതിരോധാന്‍ ആവശ്യമായ നാരുകള്‍ തുടങ്ങിയവയും സിട്രസ് ഫലങ്ങളില്‍ ഉള്‍പ്പെടുന്നു.

സിട്രസ് ഫലങ്ങള്‍:

ഓറഞ്ച്:
  • ഫെര്‍ട്ടിലിറ്റി വര്‍ദ്ധിപ്പിക്കുന്നു.
  • ആന്റിഓക്‌സിഡന്റ്‌സ്.
  • വൈറ്റമിന്‍ സി.
  • കൃത്യമായ ആര്‍ത്തവചംക്രമണത്തിനും അണ്ഡോത്പാദനത്തിനും സഹായകം.
  • ബീജ വര്‍ധനത്തിനു ഉത്തമം.
മൂസംബി

ഭ്രൂണത്തിന്റെ വളര്‍ച്ചയെ സഹായിക്കുന്നു. ഗര്‍ഭപാത്രത്തിനു ചുറ്റും കൃത്യമായ ഊഷ്മാവ് നിലനിര്‍ത്തുന്നു.

നെല്ലിക്ക
  • വൈറ്റമിന്‍ സി ധാരാളം അടങ്ങിയിരിക്കുന്നു.
  • രക്തസമ്മര്‍ദം നിയന്ത്രിക്കുന്നു. നെഞ്ചെരിച്ചിലും പുളിച്ചു തികട്ടലും പ്രതിരോധിക്കുന്നു.

മുന്തിരി
  • ആരോഗ്യമുള്ള ബീജം ഉത്പാദിപ്പിക്കാന്‍ സഹായിക്കുന്നു.
  • അണ്ഡ-ബീജ ക്രോമോസോമുകള്‍ കൃത്യമായി നിലനിര്‍ത്തുന്നു.

ഇത്തരത്തിലുള്ള നിരവധി ഫലങ്ങള്‍ വന്ധ്യതയെ പ്രതിരോധിക്കാന്‍ ഉള്ള പ്രകൃതിദത്തമായ വഴികളാണ്. പേരക്ക, ബെറി, മാന്‍ഡറിന്‍, പാഷന്‍ ഫ്രൂട്ട് തുടങ്ങിയ പഴവര്‍ഗങ്ങള്‍ ഭക്ഷണരീതിയില്‍ ഉള്‍പ്പെടുത്തണമെന്നാണ് വിദഗ്ധരായ ഡോക്ടര്‍മാരുടെ അഭിപ്രായം.



കൂടുതൽ വിവരങ്ങൾക്കായി ഞങ്ങൾക്കു മെയിൽ അയക്കൂ : arc.flagship@gmail.com

Sunday, 21 April 2019

പുരുഷന്മാരിലുള്ള വന്ധ്യത: അറിഞ്ഞിരിക്കേണ്ടതും അവയ്ക്കുള്ള ചികിത്സയും

ഒരു കുടുംബം എന്ന സ്വപ്നം പൂവണിയുന്നത്‌  ഒരു കുഞ്ഞു ജനിക്കുമ്പോൾ ആണ്. അച്ഛന്റെയും അമ്മയുടെയും സ്നേഹം പങ്കു വെക്കുവാനും ആ സ്നേഹം പൂർണ്ണതയിൽ എത്തിക്കാനും ഒരു കുഞ്ഞിന് സാധിക്കും. എന്നാൽ ആ സ്വപ്നം സാക്ഷാത്ക്കരിക്കാൻ സാധിക്കാത്ത ഒട്ടനവധി ദമ്പതികൾ ഇന്ന് നമുക്ക് ചുറ്റും ഉണ്ട്. 10 - 14 ശതമാനം ഇന്ത്യൻ ജനത വന്ധ്യത അനുഭവിക്കുന്നുണ്ട്. സ്ത്രീകളിൽ കണ്ടു വരുന്ന വന്ധ്യത ആണ് ഇന്ന് മിക്കവാറും സംസാരിക്കപ്പെടുന്ന വിഷയവും ചികിത്സക്കു വിധേയമാക്കുന്നതും. എന്നാൽ, സ്ത്രീകളെ പോലെ തന്നെ പുരുഷന്മാരിലും വന്ധ്യതയുടെ സാധ്യതകളും ക്രമക്കേടുകളും ഉണ്ടാകും. അവയ്ക്കു യഥാസമയം ചികിത്സ എടുക്കേണ്ടത് പ്രധാനം ആണ്. ഒരു വർഷമോ അതിൽ കൂടുതലോ തുടർച്ചയായി പരിശ്രമിച്ചതിനു ശേഷവും കുട്ടികൾ ഉണ്ടാകാതിരിക്കുന്ന അവസ്ഥ ആണ് വന്ധ്യത. ഇന്ന് വന്ധ്യതക്ക് ഒട്ടനവധി ചികിത്സാ രീതികളും അവ തിരഞ്ഞെടുക്കാനുള്ള അവസരവും ഉണ്ട്.


പുരുഷന്മാരിൽ ഉണ്ടാകുന്ന വന്ധ്യതയുടെ പ്രധാന കാരണം പുരുഷ ബീജത്തിൽ ഉണ്ടാകുന്ന കുറവോ, വിലക്ഷണമായ ബീജം ഉല്പാദിപ്പിക്കുകയോ അതുമല്ലെങ്കിൽ ഉണ്ടാകുന്ന ബീജത്തെ ശരിയായ രീതിയിൽ വിമോചിപ്പിക്കാനുള്ള തടസമോ ആകാം. അസുഖങ്ങളോ പരുക്കുകളോ തീരാവ്യാധികളോ ജീവിത ശൈലികളോ ആകാം ഇതിനുള്ള കാരണങ്ങൾ. സ്ത്രീകളിൽ ഉണ്ടാകുന്ന വന്ധ്യതയെ അപേക്ഷിച്ചു പുരുഷന്മാരിൽ ഉണ്ടാകുന്ന വന്ധ്യതയ്ക്ക് പ്രത്യക്ഷമായ ലക്ഷണങ്ങൾ ഇല്ലാ. എന്നിരുന്നാലും, ഹോർമോണിൽ ഉണ്ടാകുന്ന വ്യതിയാനങ്ങളും സഹജമായ കുഴപ്പങ്ങളും വൃഷണത്തിനു ചുറ്റുമുള്ള തടിച്ച ഞെരമ്പുകളോ വന്ധ്യതയുടെ അടയാളങ്ങളും ലക്ഷണങ്ങളും ആകാം. വൃഷണത്തിനു ചുറ്റും വേദനയോ തടിപ്പോ അനുഭവപ്പെടുന്നതും ലൈംഗികമായ ബുദ്ധിമുട്ടുകൾ അനുഭവപ്പെടുന്നതും വന്ധ്യതയുടെ ലക്ഷണങ്ങൾ ആകാം. ശുക്ലസ്‌ഖലനം നടത്തുന്നതിൽ ഉണ്ടാകുന്ന ബുദ്ധിമുട്ടുകളോ, ലൈംഗികതയിൽ ഉണ്ടാകുന്ന കുറഞ്ഞ താൽപര്യമോ വന്ധ്യതkku kaaranam ആകാം. തുടരെ തുടരെ ഉണ്ടാകുന്ന ശ്വാസതടസങ്ങൾ വന്ധ്യതയുടെ ലക്ഷണമാകാം. അത് പോലെ തന്നെ, ഗന്ധനിര്ണയത്തിൽ ഉണ്ടാകുന്ന പോരായ്മകൾ വന്ധ്യതയുടെ ലക്ഷണങ്ങൾ ആണ്. അസാധാരണമായ സ്തനവളർച്ച കാണുന്നതും വന്ധ്യത ആകാം.

ARC ഐ വി എഫ്  പുരുഷന്മാർക്കിടയിൽ ഉള്ള വന്ധ്യതയുടെ ചികിത്സകൾ ഒരുക്കുന്നതിലും കൃത്യമായ ഉപദേശങ്ങൾ നൽകുന്നതിലും മുൻ നിരയിൽ നിൽക്കുന്നു. ഏറ്റവും മികച്ച രോഗനിർണ്ണയങ്ങൾ നടത്തുന്നതിലും അതിനു വേണ്ട യന്ത്ര സംവിധാനങ്ങൾ ഒരുക്കുന്നതിലും ARC International Fertility & Research Centres മുൻപന്തിയിൽ നിൽക്കുന്നു.

കൃത്യമായ കാരണങ്ങൾ ഇല്ലെങ്കിൽ പോലും വന്ദ്യതയ്ക്കുള്ള ചികിത്സകൾ തുടങ്ങുവാൻ ഒരു നല്ല ഇൻഫെർട്ടിലിറ്റി സ്പെഷ്യലിസ്റ്റിനു സാധിക്കും. ARC international fertility & research centres മികച്ച ഡോക്ടർമാരുടെ സേവനത്തിൽ രോഗികളുടെ എല്ലാ പ്രെശ്നങ്ങളും തൊട്ട് അറിയുന്നതിലും അവയ്ക്കുള്ള പരിഹാരങ്ങൾ കണ്ടെത്തുന്നതിലും സഹായഹസ്തമാകുന്നു. Varicolectomy ശസ്ത്രക്രിയ വൃഷണത്തിലെ തടിപ്പ് ഉള്ള ഞെരമ്പുകൾ അകറ്റുന്നതിനും തടസ്സങ്ങൾ മാറ്റുന്നതിനും നടത്തപ്പെടുന്നു. മുന്നേ ചെയ്തിട്ടുള്ള വന്ധ്യംകരണശസ്‌ത്രക്രിയ അസ്ഥിരപ്പെടുത്തുവാനുമുള്ള ശസ്ത്രക്രിയകൾ നടത്താവുന്നതാണ്. ശുക്ലത്തിൽ ബീജം കാണപെടുന്നില്ലെങ്കിൽ, വൃഷണത്തിൽ നിന്ന് നേരിട്ട് ബീജങ്ങൾ എടുക്കുവാനുള്ള പ്രവർത്തികൾ നടപ്പാക്കാവുന്നതാണ്(TESA,PESA,TESE). ഇവ പുറത്തു ലാബ് സാഹചര്യങ്ങളിൽ അണ്ഡവുമായി സംയോജിപ്പിച്ചു ഭ്രൂണത്തെ സ്ത്രീയുടെ ഗർഭപാത്രത്തിൽ നിക്ഷേപിക്കുന്നു.

പുരുഷന്റെ ജനനേന്ദ്രിയവ്യൂഹം ആൻറിബയോട്ടിക് മരുന്നുകൾ ഉപയോഗിച്ച് രോഗസംക്രമ വിമുക്തമാക്കുവാൻ സാധിക്കുന്നു. ലൈംഗിക പ്രശനങ്ങൾ അനുഭവിക്കുന്നവർക്ക് വേണ്ടി ARC international fertility & research centres പ്രത്യേകമായ കൗൺസിലിങ്ങുകളും വിദഗ്ധ ഉപദേശങ്ങളും ചികിത്സകളും ഒരുക്കുന്നു. ഹോർമോൺ ചികിത്സകളും വന്ധ്യത ചികിത്സയിൽ ഏറെ പ്രധാനപ്പെട്ടതാണ്. അസ്സിസ്റ്റഡ്  റീപ്രൊഡക്റ്റീവ്  ടെക്നോളജി (എ ർ ടി ) ചികിത്സകൾ വ്യത്യസ്ത രീതികളിൽ ഉണ്ട്. അവ വന്ധ്യതയുടെ രീതിയും തീവ്രതയും അനുസരിച്ചു മാറ്റങ്ങളോട് കൂടെ രോഗികൾക്ക് പ്രദാനം ചെയ്യുന്നു.

ARC international fertility & research centres നിങ്ങളുടെ എല്ലാ സ്വകാര്യതകളെയും മാനിച്ചു കൊണ്ട്, ഏവർക്കും സ്വീകാര്യമായ ചിലവിൽ മികച്ച ചികിത്സ നൽകുന്നു. കൂടുതൽ വിവരങ്ങൾക്കും ചികിത്സക്കുമായി കൊച്ചിയിലെ ARC international fertility & research centre സന്ദർശിക്കുക.


സന്ദർശിക്കുക: arcivf.com
മെയിൽ : arc.flagship@gmail.com

Wednesday, 30 January 2019

അമിതവണ്ണം എങ്ങനെ വന്ധ്യതയ്‌ക്ക്‌ കാരണമാകുന്നു?

ശരീരത്തിലെ ഉയർന്ന കൊഴുപ്പ്‌ (അമിതവണ്ണം) പ്രമേഹം, സന്ധി വേദന തുടങ്ങി പലവിധ രോഗങ്ങൾക്കും കാരണമാകുമെന്നു നമുക്കു എല്ലാവർക്കും അറിയാവുന്ന കാര്യമാണലോ. എന്നാൽ അമിതവണ്ണം സ്ത്രീ പുരുഷനിൽ വന്ധ്യതക്കു കാരണമാകുമെന്ന്  നിങ്ങൾക്ക്  അറിയാമോ? അതെ, നിങ്ങൾ കേട്ടതു ശെരിയാണ് ! അമിതവണ്ണമുള്ള സ്ത്രീകളിൽ ഗർഭധാരണത്തിനുള്ള സാധ്യത പൊതുവേ കുറവാണ്. ഇനി ഗർഭധാരണം സംഭവിച്ചാൽ തന്നെ അതു പലവിധ സങ്കീർണ്ണതകൾക്കും കാരണമായേക്കാം. ഈ ഒരു സാഹചര്യത്തിൽ ജനികുന്ന കുഞ്ഞുങ്ങളിൽ പലവിധ വൈകല്യങ്ങളും ജൻമനാ ഉള്ള രോഗങ്ങളും പൊതുവേ കണ്ടുവരുന്നു.

https://www.arcivf.com/obesity/male-obesity-and-fertility

സ്ത്രീകളിൽ എന്നതുപ്പോലെ തന്നെ പുരുഷനിലും അമിതവണ്ണം വന്ധ്യതയ്‌ക്ക്‌  കാരണമായേക്കാം. അതുകൊണ്ടു തന്നെ അമിതവണ്ണം ആരും തന്നെ വെറുതെ തള്ളിക്കളയരുത്. ഈ സാഹചര്യത്തിൽ എത്രയും വേഗം ഒരു വിദഗ്ധ സഹായം ലഭ്യമാകേണ്ടതുണ്ട് . 

അമിതവണ്ണം സ്ത്രീകളിൽ എങ്ങനെ വന്ധ്യതയ്‌ക്ക്‌ കാരണമാക്കുന്നു (impact of obesity on fertility in women)


നിങ്ങൾ പോളിസിസ്റ്റിൿ ഓവേറിയൻ സിൻഡ്റോമിനെ(PCOD) കുറിച്ച് കേട്ടിരിക്കുമല്ലോ. ക്രമം തെറ്റിയ ആർത്തവം, ഹോർമോൺ ലെവലിൽ ഉള്ള വ്യതിയാനം, അണ്ഡോൽപാധനത്തിലെ പ്രശ്നങ്ങൾ, വന്ധ്യത തുടങ്ങിയവയാണ് പോളിസിസ്റ്റിൿ ഓവേറിയൻ സിൻഡ്റോമിനോട് അനുബന്ധിച്ചു കണ്ടുവരുന്ന പ്രശ്നങ്ങൾ. ഇവിടെ സംഭവിക്കുന്നത് എന്താണെന്നുവെച്ചാൽ അമിതവണ്ണം ഹോർമോണിന്റെ നിലയിൽ വ്യത്യാസം വരുത്തുന്നു. ഇത് ഇൻസുലിന്റെ പ്രതിരോധവും, ലെപ്റ്റിന്റെ അളവ് കൂട്ടുകയും ചെയ്യുന്നു. ഇതുമൂലം അണ്ഡോല്പാദനത്തിലും അണ്ഡ വിസർജനത്തിലും തടസ്സങ്ങൾ സംഭവിക്കുന്നു. വന്ധ്യതയുടെ മൂല കാരണമായി ഇത് മാറുന്നു. അമിതവണ്ണമുള്ള സ്ത്രീകൾ ഗർഭിണി ആവുകയാണെങ്കിലും അവരിൽ ഗർഭം അലസിപ്പോവുന്നതിനും, രക്തം കട്ടപിടിക്കുന്നതിനും ഉള്ള സാധ്യത വളരെ കൂടുതലാണ്. 

അമിതവണ്ണം എങ്ങനെ പുരുഷൻമാരുമായി ബന്ധപ്പെട്ടിരിക്കുന്നു (obesity and male fertility)?


പുരുഷന്മാരിൽ അമിതവണ്ണം ബീജത്തിന്റെ അളവിനേയും ഗുണത്തേയും നേരിട്ട് ബാധിക്കുന്നു. ഇത് ബീജത്തിനു കേടുവരുത്തുകയും അതിന്റെ ചലനശേഷിയെ ബാധിക്കുകയും ചെയ്യും. ടെസ്റോസ്റ്ററോണിന്റെ അളവു കുറയുകയും ഈസ്ട്രജന്റെ അളവു വർദ്ധിക്കുകയും ചെയ്യുന്നത് ബീജത്തിന്റെ അളവിനെ നേരിട്ട് ബാധിക്കുന്നു.

അമിതവണ്ണം എങ്ങനെ കൈകാര്യം ചെയ്യാം?


ഇതിൽ നിന്നും മുക്തി നേടുന്നതിന്, ശരീരഭാരം കുറയ്ക്കലാണ് ആദ്യപടി. വണ്ണം കുറയ്ക്കുന്നതിന് വിദഗ്ധനായ ഒരു ഡോക്ടറുടെ സഹായം ആവശ്യമായി വരും. ആരോഗ്യകരമായ ജീവിതശൈലി പിന്തുടരുന്നതാണ് അടുത്ത പടി.

https://www.arcivf.com/obesity/can-obesity-really-affect-fertility

 

വിദഗ്ധ ചികിത്സ സഹായം തേടുക


മാതൃത്വത്തിന്റെയും പിതൃത്വത്തിന്റെയും മാധുര്യം നുകരാൻ കാത്തിരിക്കുന്ന ദമ്പതികൾക്ക് എല്ലാ തരത്തിലും ഉള്ള ചികിത്സകളും ARC ഹോസ്പിറ്റലിൽ ലഭ്യമാണ്. വര്ഷങ്ങളായി പല ദമ്പതികളുടെയും സങ്കീർണ്ണമായ പ്രശ്നങ്ങൾ പരിഹരിച്ചു അവരുടെ ജീവിതത്തിൽ സന്തോഷം കൊണ്ടുവരാൻ ARCയ്ക്ക് കഴിഞ്ഞിട്ടുണ്ട്.

ഞങ്ങൾ നിങ്ങൾക്കായി ആധുനികവും ഫലപ്രദവുമായ വന്ധ്യതാ ചികിത്സകൾ നൽകുന്നു. ആദ്യം തന്നെ പ്രശ്നത്തിന്റെ മൂലകാരണം കണ്ടെത്തുകയും പിന്നീട് അതിനുള്ള ശരിയായ ചികിത്സ ആരംഭിക്കുകയും ചെയ്യുന്നു.
 
അമിതവണ്ണവും വന്ധ്യതയും എങ്ങനെ ബന്ധപ്പെട്ടിരിക്കുന്നു എന്നും അതിന്റെ ചികിത്സാക്രമങ്ങൾ എന്തൊക്കെയാണെന്നും മനസ്സിലാക്കുന്നതിനും ആയി ഞങ്ങളെ ബന്ധപ്പെടുക.

https://www.arcivf.com/contact-us

സന്ദർശിക്കുക: www.arcivf.com
മെയിൽ : arc.flagship@gmail.com

Friday, 28 December 2018

ഐ വി എഫ് ചികിത്സ: ഓരോ ദമ്പതികളുടെയും ശ്വാശ്രയത്വം

കുട്ടികൾ എന്ന സ്വപ്നത്തിലേക് ചിറകടിച്ചുയരുന്ന ദമ്പതികൾ ചിലപ്പോഴൊക്കെ ആ സ്വപ്നത്തിൽ എത്തിച്ചേരാൻ ബുദ്ധിമുട്ട് അനുഭവിക്കാറുണ്ട്. വന്ധ്യത ഇന്ന് ഒട്ടു മിക്ക ദമ്പതികൾക്കും ഒരേ പ്രശ്നമായി നിലനിൽക്കുന്നു. എന്നാൽ വൈദ്യ ശാസ്ത്രം ഏറെ പുരോഗമിക്കുകയും വിദഗ്ധ ചികിത്സക് ശേഷം ഇന്ന് ഒട്ടനവധി ദമ്പതികൾ അവരുടെ കുട്ടികളുമായി സന്തോഷത്തോടെ കഴിയുന്നു. ഇൻ വിട്രോ ഫെർട്ടിലൈസേഷൻ വന്ധ്യത ചികിത്സയിൽ ഇന്ന് ഏറ്റവും മുന്നിട്ടു നിൽക്കുന്ന ഒരു ചികിത്സാരീതി. എ ആർ സി ഇന്റർനാഷണൽ ഫെർട്ടിലിറ്റി ആൻഡ് റിസർച്ച് സെന്റർ ഏറ്റവും മികച്ച ഐ വി എഫ് ചികിത്സകൾ നിങ്ങൾക്കായി ഒരുക്കുന്നതിൽ മുന്നിട്ടു നില്കുന്നു.

ഇൻ വിട്രോ ഫെർട്ടിലൈസേഷൻ അഥവാ ഐ വി ഫ് ചികിത്സകൾ (ivf treatment) വന്ധ്യതയ്ക്കും മറ്റു ജനിതകരോഗങ്ങൾക്കും ഉള്ള സങ്കീർണ്ണമായ ചികിത്സാരീതി  ആണ്. 

വി എഫ് ചികിത്സകൾ സ്ത്രീകളിൽ നിന്ന് അണ്ഡം സ്വീകരിച്ചു അത് പരുഷന്റെ ബീജവുമായി ലാബ് സാഹചര്യങ്ങളിൽ സംയോജിപ്പിക്കുന്നു. അതിനു ശേഷം ഭ്രൂണത്തിന് വളര്ച്ച ആകുമ്പോൾ തിരിച്ചു ഗർഭപാത്രത്തിൽ നിക്ഷേപിക്കുന്നു.
കുട്ടികളില്ലാത്ത ദമ്പതികൾക്ക് ഏറ്റവും വിജയ സാധ്യത ഉള്ള ചികിത്സാരീതി ആണ് വി എഫ് ചികിത്സ. സാധാരണഗതിയിൽ അച്ഛന്റെയും അമ്മയുടെയും തന്നെ കോശങ്ങൾ ഉപയോഗിക്കുന്നതിനാൽ, മറ്റു പ്രശ്നങ്ങൾക്കുള്ള സാധ്യത വളരെ കുറവാണ്. എന്നിരുന്നാൽ തന്നെയും, സ്ത്രീകളിൽ അണ്ഡം ഉത്പാദിപ്പിക്കുന്നതിൽ ബുദ്ധിമുട്ടുണ്ടെങ്കിൽ മറ്റൊരു സ്ത്രീയിൽ നിന്ന് അണ്ഡം ഉപയോഗിക്കാവുന്നതാണ്. അത് പോലെ തന്നെ, പുരുഷനിൽ ബീജം ഉല്പാദിപ്പിക്കുന്നതിൽ പ്രശ്നങ്ങൾ ഉണ്ടെങ്കിൽ ബീജം മറ്റൊരു പുരുഷനിൽ നിന്ന് ഉപയോഗിക്കുന്നു.

സ്ത്രീകളിൽ മുഖ്യമായും ഇത്തരത്തിലുള്ള പ്രശ്നങ്ങൾ ഉണ്ടാകുമ്പോൾ ആണ് വി എഫ് ഉപയോഗിക്കുന്നത്

  • അന്ധബവാഹിനി കുഴലിൽ ഉണ്ടാകുന്ന തടസ്സമോ ക്ഷയമോ കാരണം
  • അണ്ഡോല്പാദനത്തിൽ ഉണ്ടാകുന്ന ക്രമവിരുദ്ധതയോ താറുമാരോ
  • എൻഡോമെട്രിയോസിസ്
  • ഗര്ഭപാത്രത്തിലുണ്ടാകുന്ന ഫൈബ്രോയ്ഡ് മുഴകൾ
  • നാൽപതു വയസ്സിനു മുൻപേ തന്നെ അണ്ഡകോശത്തിനു പ്രവർത്തനക്ഷമത നഷ്ടപ്പെടുക

പുരുഷന്മാരിൽ ഉണ്ടാകാവുന്ന മുഖ്യ ലക്ഷണങ്ങൾ

  • ഉണ്ടാകുന്ന ബീജത്തിൽ എണ്ണം കുറവ്
  • ഉണ്ടാകുന്ന ബീജത്തിന്റെ പ്രവർത്തനക്ഷമത ഇല്ലായ്മ
  • ബീജസങ്കലനം നടത്താൻ കഴിയാതാവുക
  • കിടപ്പിലാകുന്ന പുരുഷന്മാർ

വന്ധ്യത ചികിത്സയിൽ (infertility treatment) ഏറ്റവും പേര് കേട്ട എ ആർ  സി ഹോസ്പിറ്റൽ കേരളത്തിലെ ഏറ്റവും മികച്ച ഐ വി എഫ് ചികിത്സ പ്രദാനം ചെയ്യുന്നതിലും മുന്നിൽ നില്കുന്നു. ഞങ്ങളുടെ വിദഗ്ധ ഡോക്ടർമാരുടെ ഉപദേശം സ്വീകരിച്ച ശേഷം മികച്ച ഉപദേശക സമിതി ഐ വി എഫ്  ചികിത്സയിൽ നിങ്ങൾ അറിയേണ്ടതും പാലിക്കേണ്ടതുമായ കാര്യങ്ങളെ കുറിച്ചുള്ള ഉൽബോധനം നൽകുന്നു. ഇതിനൊപ്പം തന്നെ, ഐ വി എഫ്  കൊണ്ട് ഉണ്ടാകാവുന്ന അപകട സാധ്യതയും വിശദമായി മനസിലാക്കി കൊടുക്കുന്നു. അണ്ഡ ദാതാവിന്റെയും ബീജ ദാതാവിന്റെയും പേരുവിവരങ്ങൾ വെളിപ്പെടുത്തുന്നതല്ല. എല്ലാത്തിനും ശേഷം ദമ്പതികളെ മാനസികവും ശാരീരികവുമായി തയ്യാറെടുപ്പിക്കുന്നു.
ആർ സി ഇന്റർനാഷണൽ ഫെർട്ടിലിറ്റി ആൻഡ് റിസർച്ച് സെന്റർ ഏറ്റവും വില കുറഞ്ഞതും ഗുണമേന്മ ഉള്ളതുമായ ചികിത്സകൾ പ്രദാനം ചെയ്യുന്നതിൽ പ്രധാന പങ്കു വഹിക്കുന്ന്നു. ഞങ്ങളുടെ വിദഗ്ധ ഡോക്ടർമാരുടെ സേവനം ഏതു നേരവും നിങ്ങൾക്കായി ഒരുക്കി ഏറ്റവും ഗുണ നിലവാരമുള്ള ലാബുകളും വേണ്ടത്ര സജ്ജീകരണങ്ങൾ ഉള്ള ആശുപത്രിയും യന്ത്രോപകരണങ്ങളും ചികിത്സയെ ബലപ്പെടുത്തുന്നു. നിങ്ങളുടെ സ്വപ്നങ്ങളെ യാഥാർഥ്യമാക്കുന്നതിൽ നിങ്ങളുടെ യാത്രയിൽ ഒരു കൂട്ടായി എന്നും ഞങ്ങൾ നിലകൊള്ളുന്നു . കാരണം ഞങ്ങൾക്ക് അറിയാം നിങ്ങളുടെ സ്വപ്നങ്ങളുടെ വില.


Visit Us: www.arcivf.com/
Mail Us: arc.flagship1@gmail.com



Friday, 7 December 2018

PCOS : വന്ധ്യതയ്ക്ക് കാരണമാകുന്നുവോ?

ഇന്നത്തെ തിരക്കേറിയ ഈ ജീവിതത്തിൽ കുടുംബത്തിന്റെയും ജോലിയുടെയും ഇടയിൽ നെട്ടോട്ടമോടുമ്പോൾ സ്വന്തം ആരോഗ്യവും ഊർജ്ജസ്വലതയും നിലനിർത്തുവാനും പരിപോഷിപ്പിക്കുവാനും സ്ത്രീകൾ സമയം കണ്ടെത്താതെ വരുന്നു. ഇത്തരം അശ്രദ്ധകൾ കാരണം സ്ത്രീകൾ പലപ്പോഴും രോഗങ്ങൾക്കടിമകളാകുന്നു. ഇന്നത്തെ ഫാസ്റ്റഫുഡ് സംസ്കാരവും ആധുനിക ജീവിതരീതിയും സമ്മാനിച്ച ഒരു രോഗാവസ്ഥയാണ് പോളിസിസ്റ്റിക് ഓവറി സിൻഡ്രോം. പത്തിൽ ഒരു സ്ത്രീക്ക് ഇന്ന് PCOS നിർണയിക്കപ്പെട്ടിരിക്കുന്നു.


അണ്ഡാശയം വലുതാവുകയും വർധിച്ചമുഴകൾ അണ്ഡാശയത്തിൽ കാണപ്പെടുകയും ചെയ്യുന്ന അവസ്ഥയെ ആണ് പോളിസിസ്റ്റിക് ഓവറി സിൻഡ്രോം എന്ന് പറയുന്നത്. ഈ അവസ്ഥയിൽ സ്ത്രീശരീരത്തിൽ ഹോർമോണുകൾ അസന്തുലിതമായ അളവിൽ കാണപ്പെടുകയും ആർത്തവചക്രം തെറ്റുകയും ചെയ്യുന്നു. സാധാരണരീതിയിൽ 15 നും 44 നും മദ്ധ്യേ പ്രായമുള്ള സ്ത്രീകളെ ആണ് PCOS ബാധിക്കാറ്.

PCOS അനവധി സങ്കീർണതകൾ സൃഷ്ടിക്കാറുണ്ട്. അവയിൽ ഏറ്റവും പ്രധാനപ്പെട്ടത് വന്ധ്യതയാണ്. PCOS കൊളസ്‌ട്രോളിന്റെ അളവും ബ്ലഡ് പ്രെഷറും പ്രമേഹവും വർധിപ്പിക്കുന്നു. അതിനോടൊപ്പം ഗർഭാവസ്ഥയിൽ പ്രമേഹം ഉണ്ടാകുന്നതിനുള്ള സാദ്ധ്യതയും വർധിപ്പിക്കുന്നു.PCOS സാധാരണയായി ബാധിക്കുന്നത് അണ്ഡോല്പാദനത്തെയാണ്.  ഇതിനാൽ തന്നെ  PCOS വഴി ഉണ്ടാകാവുന്ന  വന്ധ്യതയുടെ സാധ്യത വളരെ വലുതാണ്.

അണ്ഡോല്പാദനം നടന്നാൽ പോലും ഹോർമോണുകളിലെ വ്യതിയാനങ്ങൾ നിമിത്തം ഗർഭാശയത്തിൽ ഭ്രൂണത്തിനു വളരാൻ സാധിക്കുകയില്ല. അണ്ഡോല്പാദനവും ആർത്തവചക്രവും ക്രമവിരുദ്ധമാകുന്നു. പ്രവചനാതീതമായ ആർത്തവചക്രം കാരണം ഗർഭധാരണവും ബുദ്ധിമുട്ടാകുന്നു.

PCOS ന്റെ ലക്ഷണങ്ങൾ ഒരു പരിധിവരെ നിയന്ത്രിക്കാവുന്നതും,  വന്ധ്യതയെ തടുക്കാവുന്നതുമാണ്. PCOS വഴി ഉണ്ടാകുന്ന ലക്ഷണങ്ങളും സങ്കീർണതകളും ഓരോ വ്യക്തികളിലും വ്യത്യസ്തമായതിനാൽ ചികിത്സാരീതിയും വ്യത്യസ്തമായിരിക്കും.

ഹോർമോൺ വ്യതിയാനങ്ങൾ ക്രമീകരിക്കാൻ ജനനനിയന്ത്രണ ഗുളികകൾ ഉപയോഗിക്കാറുണ്ട്. എന്നാൽ ഗർഭധാരണത്തിന് ഇവ സാധ്യമല്ല. ഉയർന്ന പ്രമേഹം നിയന്ത്രിക്കുകയൂം ചെയ്യേണ്ടതുണ്ട്. ചിട്ടയായ വ്യായാമവും ആഹാരരീതിയും ഈ ലക്ഷണങ്ങളെ കുറയ്ക്കും. ആനുപാതികമായ തൂക്കം പാലിക്കുന്നത്  ശരീരത്തിലെ ഇൻസുലിൻ റെസിസ്റ്റൻസിന്റേയും, ടെസ്റ്റോസ്റ്റിറോണിന്റെയും അളവുകൾ കുറക്കുന്നതിനും സഹായിക്കുന്നു. അമിതവണ്ണം കുറക്കുന്നത് വന്ധ്യത അകറ്റുവാൻ സഹായിക്കുന്നു.

PCOS ചികിത്സാരീതികൾ വിവാഹിതരായ പെൺകുട്ടികൾക്കും അവിവാഹിതർക്കും വ്യത്യസ്തമാണ്. അവിവാഹിതരായ പെൺകുട്ടികളിൽ ആർത്തവചക്രം താളം തെറ്റുന്നത് ഹോർമോൺ വ്യതിയാനങ്ങൾ കാരണമാണ്. ഫോളിക്കിൾ സ്റ്റിമുലേറ്റിംഗ് ഹോർമോൺ, ലൂട്ടിനൈസിംഗ് ഹോർമോൺ, പ്രൊലാക്ടിൻ, ഫ്രീടെസ്റ്റോസ്റ്റിറോൺ എന്ന ഹോർമോണുകളെ ക്രമപ്പെടുത്തുക എന്നതാണ് പ്രധാനം. ഇതിനായി ജനന നിയന്ത്രണമരുന്നുകൾ അവിവാഹിതരായ കുട്ടികൾക്കു നൽകുകയും അണ്ഡോൽപ്പാദനം നിയന്ത്രിക്കുകയും ചെയ്യുന്നു. ഇവ ആർത്തവചക്രത്തെ തിരിച്ചുക്രമത്തിലാക്കുകയും ചെയ്യുന്നു.

വിവാഹിതരായ സ്ത്രീകളിൽ, ഗർഭം ധരിക്കാനുള്ളതിനാൽ സാധാരണരീതിയിൽ ജനന നിയന്ത്രണ മരുന്നുകൾ ഉപയോഗിക്കാൻ സാധിക്കുകയില്ല. അതിനാൽ തന്നെയും ജീവിതരീതികൾ ക്രമപ്പെടുത്തുകയാണ് ആദ്യം ചെയ്യണ്ടത്. അമിതവണ്ണം ഉണ്ടെങ്കിൽ അതു കുറക്കുക എന്നത് ആണ് ഏറ്റവും പ്രധാനം. അതിനുശേഷം ഹോർമോൺ അളവുകൾ നിയന്ത്രിക്കുകയും അവയെ സാധാരണരീതിയിൽ എത്തിക്കുകയും ചെയ്യേണ്ടതുണ്ട്. എന്നാൽ മാത്രമേ ആർത്തവചക്രം ക്രമപ്പെടുകയും, അണ്ഡോൽപ്പാദനം നടക്കുകയും ചെയ്യുകയുള്ളൂ.

ഹോർമോൺ ഇഞ്ചക്ഷനുകൾ പോലെ ഉള്ള ചികിത്സാരീതികൾ വിഫലമാകുമ്പോൾ മാത്രം രോഗികളിൽ ഉപയോഗിക്കുന്ന ചികിത്സാരീതി ആണ് ലാപ്രോസ്കോപ്പിക് ഓവറിയൻ ഡ്രില്ലിങ്. ഒരു ലേസർ ബീം കൊണ്ടോ സൂചി കൊണ്ടോ അണ്ഡാശയത്തിനു ചുറ്റുമുള്ള ചർമപാളികളിൽ ദ്വാരമുണ്ടാക്കി അണ്ഡോൽപ്പാദനത്തെ പ്രചോദിപ്പിക്കുന്ന രീതി ആണ് ലാപ്രോസ്കോപ്പിക് ഓവറിയൻ ഡ്രില്ലിങ്. എന്നാൽ ഗൗരവമല്ലാത്ത ആരോഗ്യാവസ്ഥകളിൽ ഈ രീതി ഉപയോഗിക്കുന്നത്‌ മറ്റു പല സങ്കീര്ണതകൾക്കും കാരണമാകുന്നു. നേരത്തെ ഉള്ള ആർത്തവ വിരാമത്തിനും അവയവങ്ങൾ തമ്മിൽ ഒട്ടിപിടിക്കുന്നതിനും കാരണമായേക്കാം.

കേരളത്തിലെ PCOS (polycystic ovarian disease(pcod) kerala) ചികിത്സക്കും വന്ധ്യത ചികിത്സക്കും പേരുകേട്ട  ARC International Fertility & Research Centre നിങ്ങളുടെ സ്വപ്ന സാക്ഷാത്കാരത്തിന്  കൂടെ നിൽക്കുകയും അന്താരാഷ്ട്ര നിലവാരമുള്ള ചികിത്സപ്രദാനം ചെയ്യുകയും ചെയ്യുന്നു. ARC Fertility hospitals ഇനി മുതൽ കൊച്ചിയിലും തങ്ങളുടെ സേവനം ലഭ്യമാക്കുന്നു. രോഗികളുടെ വിശ്വാസവും ആശ്രയവും ആയ ARC നിങ്ങളുടെ വന്ധ്യതാ സംബന്ധമായ എല്ലാവിധ പ്രശ്നങ്ങൾക്കും ഉള്ള പരിഹാരമാകുന്നു.

https://www.arcivf.com/contact-us
Visit @ www.arcivf.com
Mail us: arc.flagship@gmail.com

പ്രെഗ്നൻസി ടെസ്റ്റ്; അറിയേണ്ടതെല്ലാം....

മാതൃത്വം ഒരു സ്ത്രീയെ സംബന്ധിച്ചിടത്തോളം അനുഗ്രഹവും ജീവിതത്തിലെ സുപ്രധാന വഴിത്തിരിവുമാണ്. തന്റെയുള്ളിൽ മറ്റൊരു ജീവൻ വളരുന്നുണ്ട് എന്ന തിരി...